ගම්පහ දිස්ත්‍රික්කයේ වැඩිම පානීය ජල හිගය ජලසම්පාදන රාජ්‍ය අමාත්‍යතුමිය නියෝජනය කරණ කටානේ ලු ?

0
28

මේ වනවිට  ඇතිවී තිබෙන දැඩි නියගය හමුවේ ගමපහ දිස්ත්‍රික්කයේ විශාල පිරිසක් ජල හිගයෙන් පීඩා විදින බවත් එම පිරිස අතරින් පිඩාවට පත්වී ඇති වැඩිපිරිසක්  සිටින්නේ වත්මන් යහපාලන ආණ්ඩුවේ ජලසම්පාදන කටයුතු පිළිබද රාජ්‍ය අමාත්‍ය තුමිය නියෝජනය කරණ කටාන ආසනයේ වීම කණගාටුවට කරුණක් බවත් බස්නාහිර පළාත් සභා මන්ත්‍රී ආනන්ද හරිස්චන්ද්‍ර මන්ත්‍රීවරයා පැවසීය.

මන්ත්‍රීවරයා මෙම අදහස් පලකලේ පළාත් පාලන මැතිවරණය කල් යාම පිලිබදව කටාන ආසනයේ  ශ්‍රීලංකා පොදුජන පෙරමුණ නියෝජනය කරන පළාත් පාලන නියෝජිතයින් සමග සිදුව ෂාෂා හෝටලයේදී පැවති පුවත් පත් සාකච්චාවකට එක්වෙමිනි.

කටානේ පානීය ජලගැටලුවෙන් පීඩා විදින ජනතාව වෙනුවෙන් ජෙයරාජ් ප්‍රනාන්දු පුල්ලේ  ඇමතිවරයා ගේ මැදිහත් වීමෙන් ලබාදුන් ප්‍රජා ජලයෝජනාක්‍රම වලින් කොටසක් විවිධ අක්‍රමිකතා සහ දුෂ්කරතා නිසා බිදවැටි හෝ නිසිපරිදි ක්‍රියාත්මක නොවන බවත් එම ප්‍රජා ජල යෝජනා ක්‍රම  සක්‍රිය කර නිසිපරිදි ක්‍රියාත්මක  කිරීම සදහා විෂය බාර රාජ්‍ය අමාත්‍ය  වරිය ලෙස කටයුතු කර නැති බවද ආනන්ද හරිස්චන්ද්‍ර මන්ත්‍රීවරයා වැඩිදුරත් ප්‍රකාශ කළේය.

මෙම  අවස්ථාවට ලලන්ත ගුණසේකර බස්නාහිර පළාත් සභා මන්ත්‍රී වරයා සහ හිටපු පළාත් පාලන ආයතන නියෝජිතයන් පිරිසක්ද සහබාගීවිය.

LEAVE A REPLY

Please enter your comment!
Please enter your name here