රන්බඩු කොල්ලකෑ පොලිස් නිලධාරීන් ගැන පරීක්ෂණයක්

බස්නාහිර පළාත් සභා මන්තී‍්‍ර රෙයිස් ප‍්‍රනාන්දු මහතාගේ ලඝුලේඛකයාට සහ ඔහුගේ මිතුරාට ගිනි අවියක් පෙන්වා බියගන්වා ඔවුන් සතු අකුණු සන්නායකයක් සහ රුපියල් පන්ලක්ෂ පනස් පන්දහසක් වටිනා රන් භාණ්ඩ කොල්ල කෑමේ සිද්ධියකට අදාළ ව පොලිස් නිලධාරීන් තිදෙනෙකු ඇතුළු 8 දෙනෙකු සම්බන්ධයෙන් පරීක්ෂණයක් ආරම්භ කළ බව කුරුඳුවත්ත පොලීසිය කොළඹ ප‍්‍රධාන මහේස්ත‍්‍රාත් ලාල් රණසිංහ බණ්ඩාර මහතාට අද(23) වාර්තා කළේය.තමන් පළාත් සභා මන්තී‍්‍රවරයා ළග සේවය කරන අවස්ථාවේදී ඩිලාන් නැමැති මිතුරකු හදුනා ගත් බවත්, ඒ අනුව තමන් සන්තකයේ තිබූ අකුණු සන්නාහකය අලෙවි කිරීම සදහා ගැනුම්කරුවකුට එය පෙන්වීමට ඉකුත් 20 වැනිදා කොළඹට යෑමට අවශ්‍ය බව ඔහු සදහන් කළ බවත් පැමිණිලිකරු සිය පැමිණිල්ලේ සඳහන් කර ඇත.

ඒ අනුව තම මිත‍්‍රයකු වූ රමේෂ් නැමැත්තා සමග මෝටර් රථයෙන් කොළඹ බලා පිටත් වූ අතර, අතරමගදී ඩිලාන් නැමැත්තාත් ඔහුගේ පෙම්වතිය බව කියන අයකුත් තමන් සමග වෑන් රථයකින් පැමිණී බවත් පෑලියගොඩ ප‍්‍රදේශයෙන් ධම්මික නැමැති අයකු තම කාර් රථයට ගොඩ වූ අතර සියලූ දෙනා බෞද්ධාලෝක මාවතේ පිහිටි ස්ථානයකට ගිය බවද පැමිණිල්ලේ දැක්වේ. පසුව එම බෞද්ධාලෝක මාවතේ පිහිටි නිවෙසක ඉහළ මාලයට ගොස් අකුණු සන්නායකය පිළිබඳ මිල ගණන් කතා කරමින් සිටියදී එම ස්ථානයට පැමිණී නිල ඇදුමින් සැරසී සිටි පොලිස් නිලධාරීන් තිදෙනකු  සහ සිවිල් පුද්ගලයන් සිව් දෙනකු තමන් සන්තකයේ ආයුධ ඇති බැවින් පරීක්ෂා කිරීමට අවශ්‍ය බවට සදහන් කරමින් ගිනි අවියක් පෙන්වා තමා සහ තම මිතුරා සන්තකයේ තිබූ රුපියල් පන් ලක්ෂ පනස් පන් දහසක් වටිනා රත‍්‍රන් බඩු මංකොල්ල කෑ බව පැමිණිලිකරු සඳහන් කර ඇත.

අනතුරුව මෝටර් රථයේ යතුර ඉල්ලා ගෙන එම පිරිස පළා ගිය බවත්  පසුව ගොස් බැලීමේදී වාහනයේ ඩිකියේ තිබූ අකුණු සන්නායකය ද අතුරුදන්ව ඇති බවත් පැමිණිල්ලේ දැක්වේ

උපුටා ගැනීම  ලංකා දීප එසැන පුවත් වෙබ්අඩවිය25/5/2017.

728x150

There are no comments yet

Why not be the first

Leave a Reply

More 29 posts in ගොසිප් category
Recommended for you
ඩෙංගු වලින් මනාප එකතුකරන හාල් පාරු දේසපාලුවෝ

මිගමුව මහරෝහලට  දවසේ පැය විසිහතර පුරාම ඩෙංගු රෝගීන් ඇතුලත් කර ගනු ලබන අතර  මේ වනවිට...

%d bloggers like this: