සීදූව දවිසමර මහ විද්‍යාලය ක්‍රීඩා පාසලක් ලෙස දියුණු කිරීමට නිර්දේශ කර තිබෙනවා නගර සැලසුම් හා ජල සම්පාදන රාජ්‍ය අමාත්‍ය විශේෂඥ වෛද්‍ය සුදර්ශිනි  ප්‍රනාන්දුපුල්ලේ

728x150

 
රාජ්‍ය අමාත්‍ය වරිය මේ බව සදහන් කළේ දිවංගත අමාත්‍ය ජෙයරාජ් ප්‍රනාන්දුපුල්ලේ මහතාගේ 64 වන ජන්ම දිනය නිමිත්තෙන් සීදූව දවිසමර මහ විද්‍යාලයට ඩෙස් පුටු සහ සංනිවේදන උපකරණ කට්ටලයක් පිරිනැමීමට අද (2017.01.11) පෙරවරුවේ එක්වෙමිනි.

දවිසමර විද්‍යාලය වොලිබෝල් ක්‍රීඩාව අතින් ඉහලට ඔසවා තැබීමට ජෙයරාජ් මැතිතුමා කටයුතු කළා.ඒ අනුව ජාතික මට්ටමේ ක්‍රීඩකයින් රැසක් එම විද්‍යාලයෙන් බිහි වී තිබෙනවා.එපමණක් නොව ජාත්‍යාන්තර මට්ටමේ ගෘහස්ත වොලිබෝල් ක්‍රීඩාංගණයක් ලබා දීමට අප පියවර ගෙන තිබෙනවා.අද වන විට උසස් ප්‍රමිතියෙන් වොලිබෝල් ක්‍රීඩා පැවැත්වීමට මෙම ක්‍රීඩාංගණය මඟින් පහසුකම් සැපයෙනවා.මේ සියළු දේවල් සඳහා මූලිකත්වය ගත්තේ ජෙයරාජ් ප්‍රනාන්දුපුල්ලේ මැතිතුමායි.

 

විදුහල්පතිතුමා හා දෙමාපියන්  ඉල්ලා සිටියේ මෙම පාසලට ඇති ඉල්ලුම නිසා   6 ශ්‍රේණියට ඇතුළත් වන සිසු දරුවන්ට ඩෙස් පුටු හිඟයක් පවතින බවයි.ඒ අනුව රුපියල් ලක්ෂ 04 ක ප්‍රතිපාදන යොදවා ඒ අඩුපාඩුව සපුරන්නට අද හැකියාව ලැබුණා.ඒ වගේම මෙම පාසලට අවශ්‍ය සංනිවේදන උපකරණ කට්ටලයක් ලබා දීමටත් අද කටයුතු කරනවා.දෙමාපියන් වන ඔබගේ වගකීම වන්නේ ලකුණු පසු පස හඹා යන දරුවන්ට වඩා කුසලතා සහ ගුණගරුක දරුවන් බිහි කිරීමයි.ඒ වෙනුවෙන් පවතින අධ්‍යාපන ක්‍රමය වෙනස්කම් වලට භාජනය කරමින් තිබෙනවා.ඒ අනුව නව විෂයධාරා හඳුන්වාදෙමින් රැකියා ලෝකයට ගැලපෙන පරිදි දරුවාට අධ්‍යාපනය ලබන්නට පහසුකම් ලැබී තිබෙනවා.

මෙම අවස්ථාවේ දී දවිසමර විද්‍යාලයේ විදුහල්පති සිසිර විජේසිංහ මහතා ඉල්ලා සිටියේ පාසලට පානීය ජල පහසුකම් ලබා ගන්නා විදුලි මෝටරය අක්‍රීය වීම හේතුවෙන් පානීය ජලය ලබා ගැනීමේ ගැටළුවකට දරුවන් මුහුණ දී ඇති බවයි.මෙහිදී සුදර්ශිනී ප්‍රනාන්දුපුල්ලේ මහත්මිය සඳහන් කළේ ජෙයරාජ් මැතිතුමාට පිං පිණිස තම පෞද්ගලික ධන පරිත්‍යාගයෙන් අදාළ මෝටරය ලබා දීමට පියවර ගන්නා බවයි.මෙයට අමතරව බටහිර කළුවාරිප්පුව අසරණ පවුලකට නිවසක් තනා දීම සඳහා වැඩ කටයුතු ආරම්භ කිරීමද අද සිදු වූ අතර ජෙයරාජ් මැතිතුමාගේ 09වන ගුණ සැමරුම යෙදෙන අප්‍රේල් මස 06 වන දින වන විට එහි වැඩ කටයුතු නිම කර ඔවුනට භාර දීමට කටයුතු කරන වගද අමාත්‍යවරිය පැවසුවාය.

සුමිත් කාරියවසම්,

 

 

 

 

728x150

There are no comments yet

Why not be the first

Leave a Reply

More 601 posts in ප්‍රධාන පුවත් category
Recommended for you
මිගමුව මහා නගර සභාව තොරතුරු නිලධාරිනියක් පත්කරයි.

අප වෙබ් අඩවියමගින් 2016 අංක 12 දරන තොරතුරු දැනගැනීමේ පනතේ 24 (1) වගන්තිය යටතේ 2017...